很快要到新一年。 問自己有什麼願望呢？真的，我只希望來年能比去年好。明天會更好吧！ 人生不可以無希望，無dream！ 這麼小的希望，卻未必容易達到。 有時心想的，現實環境是做不到的。 有時努力爭取，又會有更好的效果。 就這樣吧，隨環境變化，自然而行。 不勉強，不強求，生活或會過得更好。 再貪心多一些，能繼續做著自己喜歡的事，就更覺完美。 祝大家新年快樂，一年好過一年！
Tag: random thoughts
教人做功課
想起這件事，心中還有點不快。 不快的是，好像見到一個小朋友退步的過程。對我來講，這是不好受。 功課設計得深，可以有幾個目的。一，考驗小朋友的求知本能；二，加強挑戰性；三，預先教授艱深一點的課程，這也是家長樂見的吧！ 要做的細路，當然不會分析咁多。但最近聽聽埋埋的情況係，佢的功課都是深的，而身邊的大人都要做埋一份。 我唔認為家長幫小朋友係錯的，但態度係唔可以變成你緊張，佢唔緊張；你想學而佢唔想學。 教我最憤怒的是，佢只係一心想知正確答案。你講乜，佢寫乜，唔想分析和思考。噢，我停了她，要佢自己想答案。這就突然像是一個苦差。或者，真的和平日做功課的情況很不相同！ 另一個令我不快的，是見到佢得過且過的做功課。字寫不好，錯刷不淨，寫答案如填顏色！這些惡習，從前我都不曾見過，但今天已經成了習慣，好難改了。 家長稱她是這樣的求其，我只想講，要求低的是你，不是她！ 正如佢一手將刷紙膠俾我，想我幫佢刷error！對唔住，我一手俾番佢，要佢自己做番。佢都會做的！ 來來回回的結果，我的晚餐食得很差，即時胃痛。 下次幫人，都要先照顧自己先！
熱血老師
Blog entry 這４個字，曾幾何時是屬於自己的。 與一個舊學生在網上傾計，講到他的學業和他想走的路。他想做護士，卻因英文成績而不能選讀。問了他好多對呢行的認識，發現他也真的細心想過工作需要和明白工作實況，而不是單純從人工或一些理想出發。 其實依家呢一代，不會像以前般怕無書讀。真係怕你唔肯讀，當然畢業後的發展又是另一回事。細路有家人支持，財政上沒有問題，不過都叮囑了他不要再浪費青春時間。大家都明白，時間即是金錢，人愈大，愈珍貴。 如以往一樣，同細路講野當然係告知佢最壞的結果先。這樣，細路反而都很接受，沒有怪我不停撥佢冷水啊！ 最後，佢既結論就係我是那種性格直、認真和不是針對人(對事)的老師啊！ 對大部分的人來說，這是一個令人討厭的性格組合。好多時，得罪人而不知，被人提醒了還好，但大部分人都不會如睇戲咁向你解釋自己的怒火。很多時，就這樣失去了朋友而不知。 細路的稱讚我會欣然接受，只係難免也有點感觸。其實呢方面自己都已經慢慢地收歛，未到連自己都過不到的關口，絕不會講。而且，也有感太多人不會承認自己的錯誤，你的一個提醒，別人不單不會感謝你，還會覺得你多事，無同情心…仲有挑剔！ 還有的是，很多人原來都是只想呻下，唔係要你的advice或counselling。 對不起，我通常都唔懂分辨！
習慣
「小姐，習慣係好危險架！」的士司機在駛了另一條路載我回家時對我講。 近日幫襯多左的士，也因為自己多口的緣故，有時都會同的士大佬吹下水。問下，平日應該係邊處上車呀？幾時轉更呀？亦都試過聽佢地grumble, 講每日帶錢返工的苦況。佢地有些亦好老實咁話我知佢地最憎既路上車輛是什麼？在九龍塘既，佢地好憎師奶司機的名車，既開得慢，又真的怕「傷」倒佢地自找麻煩；也有對我講佢地最憎同行！當然，唔識路既亦有，上車那刻已經講定我知，不過最後都能安全到目的地既！ 我想這些都是坐公共交通的好處，讓我可以接觸下人群，可多觀察外邊的人和事，儘管，有時是令人洩氣。 要改變習慣真的好難，不過壞習慣卻一定要戒除，儘管是要如何千辛萬苦。
做與不做
今早打開電視睇到一個即時新聞，有感而發。 想起自己以前的一份工作。部門有規定，每兩個星期都要俾學生一次默書，教完一課書要有一次的小測(quiz)，功課的課量都白紙黑字寫明落handbook, 我地就要跟住做，因為久唔久就要被檢查進度，唔齊既就會好麻煩。 到一埋數時，無錯，我真係覺得係似sales交數！有些同事唔知點解可以出倒又改倒咁多的assessments, 甚至超過哂targets! 要以assessments「鼓勵」細路讀書，有時係有用和必要的。但係，我也絕對相信佢地對呢種安排係好抗拒的。由於能力和興趣的關係，佢地當中有些人對我呢科根本係去到討厭既程度。結果，佢地既對抗方式就是交白卷！ 不過，我卻絕不會對他們講完要溫書之後，再講多一次，呢些assessments其實係無必要的！ 如果無必要，亦也根本唔會有安排。 想不通…
小小聲明
開了新blog址，希望以後的blog有個更固定的存放處。 鐘意寫blog, 或者係本人太不喜歡開口講自己的野，應該係懶惰！呢度就好像一個大洞穴，俾我放低開心或不滿意的情緒，再按publish, 又完了個心願。 我blog的常客，想必對我的生活或近況是很有興趣，但願我擺上來的文字感受，一切一切，都不會被你認為是自我吹噓、曬命或其他林林種種。當然，發洩悶氣一定有，愛睇的請繼續閱讀。 這方面，你或我仍然是有自由的。
MK Blog 