水浸變缺水

過去一周全市落大雨。某些地區水浸,停電,封路⋯⋯

兩天既雨量等如兩個月既雨量,聽落係件好事多於壞事吧!

但係政府轉身就要求所有人要節約用水,因為食水處理廠既水滲入了好多雜質,一時間filter不到。如果大家不合作的話,飲既水將會濾不清?!

聞所未聞!但所有media幾乎清一色叫大家照做,而無人會inquire點解。一句Unpredecdented 就推哂所有尋找真相既聲音。

不好的東西,不是會繼續hidden下去嗎?

件事提醒了我地水質問題,即刻買番個filter安下心。

我不想成為一個天跌落來當被蓋既local。

 

 

送禮Gifts

這學期將結束。時近Xmas, 學校也提醒我地家長準備一個morning tea俾老師。應承了,做得來而大家會喜歡的,絕對樂意做。

這個學期也有不少機會做helper. 有時間應付到的,我也答應了去做。

但今天收到老師派來的一個note, 有點不安。

有位家長提議俾$20, 她會買gift voucher, 甚至係prezzy card俾3位老師。不只無事先consult我地,還有更奇怪的,係竟然以credit card作為給老師的禮物。實在好不適合。

全班30人,每人俾$20, 條數都不少。我不認識那位mama, 雖然係老師分派note, 照計她也知content的,點解可以由得此進行?難道呢度老師可以收這樣的禮物?

在鄉下,這些絕對不可以,係有rules的。而以前,我也很抗拒呢些禮物。畢竟,教好學生係我的工作和責任,學生不需花錢俾bonus我。

有家長已經付了錢,雖然也和我有同樣的懷疑。

Google一下,其實他們收下的話,會不會risk自己的career呢?

夾份的人也係幫兇。老師,為了保護你們,我不參與。

嬲死都算。有無影響細路好快就知⋯⋯唉!

****

Can teachers accept  credit cards alike as gifts at the end of the school term? After googling this here, it’s known to me that just like the same in my home land, it’s simply not allowed.

I decide not to contribute to the so-called thankful gifts to them after receiving the note. The parent in charge even has not told me how the money will be spent on. This mystifies the whole thing and I don’t want to act like an ATM and get involved in such dirty activities.

聰明

有些說話,一聽就會火起。

例如:下,乜你咁都唔知呀?

係呀,我仲有好多野都唔知!而我真係唔知原來BB仔咁樣咁樣做就會聰明。我好刻意逃避睇那些書,特別係什麼如「生個資優兒」、「怎樣培養xxx的孩子」我真的認為睇左係唔會可完全用在一個人,我會用個體兩字去表達。

我沒有去聽一些EQ音樂,老實講,好悶的。都係那句,唔多信。

一聽到這些令人火起的話,我下一句通常會問:你響邊度聽倒?我從來都無聽人講過wor…..

對方就答:呀邊個邊個好聰明啊!

唉,呢些唔係證據。只要智力正常,係人都係醒目仔女!

再問:咁係唔係在什麼講座sell產品的地方聽倒架?

對方(有點支吾以對):係呀……

如果一樣物品可以令人變聰明,我想呢個發明應該有Nobel Prize, 價值亦一定超過每年BB expo/書展長賣長有的迪迪尼英文教材!仲有,有個行業應該要消失,那就是教書。

也好的,這件事令我反思一下聰明的定義,亦令我想一想呢個quality係唔係好重要!

 

 

奇妙物語10

心知肚明細路唔會寫好「靜」字俾我。好的,我再找佢談判!

細路:我lunchtime俾200次「靜」你,一定完成倒。

我:俾你本手冊我先。

細路:(猶豫了一陣),唔好啦。

我:你無決心完成佢?

細路:唔係…… …

我:你交倒來,我俾番本手冊你。

結果,他真的做得到,雖然都是遲了一些啊!我也將原本通知佢家長的事項略為修改一下,始終,他是遲完成,不是未完成。

還會擔心家長感受的細路,我都是相信他們是可教的。

奇妙物語9

乜都好似識多一點的細路,其實唔好教,不會令老師有太大的滿足感。

如果老師可以和頑皮的小朋友好好相處,能教曉他什麼是對或不對。對於老師來說,滿足感較大。

當然,話說重來,好多話不是說了一次就算。

對好嘈的小朋友,我「請」他寫個「靜」字100次,結果,收到的係「靜*100」!即刻找他傾番我提過的後果……

而要學生自設再犯規的後果,則是「留堂七七四十九日」!

忍住不笑啦,我有的是時間,好的,大家繼續玩下去。

奇妙物語8

同事間對上星期三公布的budget, 當然最不妥的地方,是他們不能從mpf中受惠$6000.

幾個同事聚埋就發表言論,講他們的P fund不獲注資,感覺不公平。

平日我對他們的這些個人意見,通常都不會插口的。是日,我便講了,有人提議每人octopus card加$1000, 皆大歡喜!而且,這些錢只會益左基金佬吧!

呢位同事,俾我的反應係冷淡,無反應。

各有各的立場,各有各的表述。

無錯,有錢分,邊個唔想要?你問我,我真係唔想要呢些我都唔知會唔會有機會享用的退休金!每個月付出的,像是不多,但供款的人,卻是完全無法控制何時進場離場,眼白白睇住自己的血汗錢俾他人利用。唉,心傷!

昨天知悉他們將會受惠,唔知下星期的打小人日,佢地會唔會現身呢?

奇妙物語7

A同事:(面帶笑容)為何每次見你在位都係改緊簿既?你個動作真係不變gor wor!
我:(停了一陣手頭上的工作,想了一陣)唔係既,其實每次都會有少少不同既。
A同事:你真係要版版改架?你教幾多班架? 
我:呢科教7班。
A同事:嘩!……(我都忘記了她又講了什麼!)
我:考試時改卷比較驚慌一點。你係唔係想幫我改一些?
A同事:(好大聲)No! 放假要我改10份文都做死我啦! 

之後,我繼續我的工作,也深思她的這一個comment. 其實,我沒有特別在做什麼,但係,想不到原來專心做事,不想浪費時間都會招是非。

又是另一個價值觀的更新版本。對於這些說法,我介意,因為又見到一些不負責任的人,做著不負任的事。

正如朋友講,擇善固執才是出路吧! 

遲來的禮物

同一天,我記得兩件事。一件荒謬,一件快樂。
當然,我會較為後者而高興,更可以讓我減低對前者的不滿。
荒謬的事,是見證了上司另一次好經典的行為。無好氣和她「對抗」,似乎亦無必要。只是心想,這類的red tape, 實在令人生厭;而佢的領導能力和坦白,更令我大開眼界。
對上司,其實一直都不應該有任何要求。一直以來,最欣賞的上司,都是第一份工的上司。感受不到他的老闆氣味,對我們呢班小朋友亦很照顧,幫我們打通了與舊人的溝通橋樑,亦放心的讓我們接手重要的工作。當然,關於做人的道理,他亦會對我們說。所以,難怪他經營的公司現在仍能在業界立足,而一般的員工,都很忠心的。 
好多管理的terms, 什麼’teamwork’, ‘leadership’, ‘management’, 不用學不用提,有的自然有,唔係就無。
平常心的看,只要沒有太大期望,那便不會容易發怒失態。我想,EQ又好似提高左。
打份工,我好專業既!
***
與細路上完是日最後的一個孖堂,細路突然走出來話我知佢朗誦節取了第3名。我真的即時尖叫了一聲!這個喜訊,遲了成個月,但我仍然好興奮,多數是為了他的。得獎是個肯定,得不到的也可參與,獲得一個寶貴的經驗,比起坐在課室得益更多! 
最令我開心的,當然有他的一聲Thank you! 總感覺我們工作,一直只有付出,從來不太會問收穫!有人欣賞當然是好,無人欣賞都不必抱怨。
我仍然會做好我的事,他們乖乖的,做得好一些,其他不快的事,也就真的可一掃而空。

小公主

朋友做記者的,寫了一篇關於時下父母將女兒教成小公主的文章。佢好有心,找來3個小朋友扮演3個Disney的公主角色,再加註腳,令成篇文好有睇頭!
公主不是天生。無公主母親,又何來公主女兒?
不過,做公主真係要睇條件的。某年某日,當母親大人拒絕買一間價值數百元(X年前來說係好昂貴的!)Barbie透明玩具屋俾我時,我就知自己一定唔係小公主。不過,那刻的確係衝動的,試問美麗的東西每個人都想擁有吧!
多得有一個如此理智的母親,令我的人生不是小公主。
她自幼便灌輸了一種理論,女人要獨立,要懂照顧自己!不要亂發脾氣、不要任性、不要矯生慣養。要明白事理,要體諒別人……
做倒幾多,身邊人最知,自己評自己永遠都是不公正。
如果我真係有個女,都不會讓佢做小公主。第一件事,一定唔會買全年Disneyland通行證和狂睇Disney卡通片,入左腦inception, 想佢唔做都唔得。 

奇妙物語6

甲老師:你會去邊度旅行呀?
乙老師:去台灣!
甲老師:我係問你學校旅行去邊度?
乙老師:去XXX……和你傾計一定係夏威夷或……

坐在office內的我,也真的忍不住。