開心返PD

持續進修,專業發展,各行各業員工,久不久都要返下PD (Professional Development)呀,以前鄉下返得多,少數自願,多數被迫。不少人只會攞來攝時間,面黑上堂既都不在少數。

但今日第一次響外地返既PD,見倒全部仍有火既老師,留心投入;有位同工,只係剛從南非到埗和太太團聚,但又因為實習要返家,想起都頭痕。同桌另一個同鄉,之前素未謀面,但聽到後,立即留低聯絡,話之後可以介紹工作。

團結真是力量。對今次PD有點失望,但同學間既交流卻成為重點。

大家臨離開,仲要送上祝福Good luck 和All the best!

呢個PD,已經成為我目前去過最好既PD。

大家都係有心又開心既老師,最後得益既必定係學生。

Advertisements

有禮貌

響孩子課室門口等湊放學,孩子同班女同學和我say hello!

呢位孩子口中不太相熟既同學仔,平日感覺cool cool地,都有留意過佢成日搵孩子傾計,但我無期望過她會同我傾兩句。

之後,另一個男同學,又話我地放學時經過佢屋企啊。係啦,那次行過和他揮手嘛。既認識的,點解一個hello都慳?

另一半成日講我有小朋友人緣,可以去搵幼稚園老師既工。的確也曾有呢個想法,可以搵食都不錯。

但最安慰既係,新學校既同學都好乖,個個基本有禮貌,唔係見人當透明。孩子響呢種環境學習,近朱者赤,社交一定有所收穫吧!

如果不是轉了校,或者我會以為本土小朋友都係不睬人的!

轉校決定係明智。

點解TSA不死(英文版)

當有10,000個家長想俾細路多操練,TSA 又點會消失?

Just happened to see the comment left a mum I know at a FB group. She wanted to get FREE English worksheets for her kid, who is now studying at a local private primary school.

I’ve met the kid before. Very smart, competitive and quite talented at art and music.

Chatted with the mum before, when we agreed at giving a happy childhood experience to our kid. We both found a preschool endorsing more on building confidence and social skills of the students, than giving homework and preparation for primary school life!

But when it came to the time of finding primary school, the mum has chosen a private school notorious for high academic pressure and strict discipline.

Quite a disappointment when I heard that. And I’m a bit naive to think we are the same kind of parent who can insist until the moments we can’t.

I have no idea if that school will join TSA, or BCA whatever. But then, after learning that she wanna give her extra work to do to brush her English skills, I do feel sorry for the kid.

While some parents oppose the TSA / BCA examination and form group to discuss with the officials in an attempt to ban it forever, the overwhelming welcome (with nearly 10,000 requests for FREE worksheets) from parents about the free worksheets is a real proof that their cause is doomed to fail.

Why? Cause HK parents are two-faced. On one hand they wanna get stress-free education but at the same time they ask for high quality education and the only way they think can achieve that is to do a lot of homework and attend after-school classes.

When a kid has no time to rest or daydream, there’s no way for her / him to succeed in future.

This standardized test will long live forever.

點解TSA不死?

TSA也好, BCA也好,一邊有家長開FB group反對去考,另一邊新聞就講,接近40%既小學已經申請全部小三學生去考。

剛才見倒一個FB 既post (見cap圖),有人問家長fans想唔想收到免費英文練習,因為那些係佢孩子補習老師俾既,成效好好云云。

FB有個特別既功能,就係朋友在一些Page既留言有可能會讓你讀到。無意間,俾我睇到一個孩子正在私校就讀既媽媽,寫左想要小一至小六既練習。那間私校己經出名壓力大,似係發現谷得既孩子仍做不夠?其他人既反應都好熱烈,可見呢類資源的確好搶手。

港媽大多係咁樣,一方面響FB反對做功課既群組大罵老師俾既功課,一方面又自行默默搵多啲功課迫孩子做,操練無止境!講一套,做一套。

所以,肯定考TSA既學校數目會繼續增加。小朋友既命運在父母手中,依家能讓你離開苦海既人都無埋!

悲哀!

*****
同文另刊Medium, 請去瀏覽多多支持!
The same blog post is published at Medium.

短期遊學大生意

今星期做家長義工,見到幾個來自強國既小朋友和家長。聽老師講,他們遠道而來,大人在呢度做生意,只會短期停留學習。

坐在身旁既另一個Kiwi家長,爆出一句: Poor girls! 想了一整天,我都不太明解佢呢句說話既意思。或者,佢以為幾個小朋友係會和父母分開,畢竟得一年級咁大,心理上係幾難受。又或者,佢覺得小朋友只能讀得一陣,根本不能夠學習得什麼。

呢個係我既想法多一點。但「外國人」趁假期去學校讀書,在孩子既上一間學校已經有例子,而呢個現象係好普遍,本地學校都幾歡迎佢地報名「插班」讀一陣。

就似上年7, 8月,係不少「外地」學校既暑假,卻係呢度既冬天,小朋友無長假放,要繼續上課。某一天,就見到10個8個陌生面孔在校園出現。香港會叫呢種係遊學團,而上次所見既主要係來自強國和南韓。他們會插班學習,感受本地學生既上堂方式,最重要的緊係學英文,期望在短時間中有進步。

咁樣讀貴唔貴呢?望番某學校既網頁,「國際學生」返一星期需要交NZ$300, 通常又不會返倒10星期,唔係就要俾NZ$3000, 那至少都會返兩三個禮拜,仲有行政費NZ$500一學期(好似無寫一禮拜點計), 活動和材料費NZ$80. 想一對一教英文,就要再加俾NZ$300一星期。

遊學團一般都係一條龍服務,連埋機票(不要忘記旺季黎特別貴)和住宿,一定會交5位數字既費用。見過有家長會埋個細路一齊來,即係差不多交多一份,條數都幾「甘」!

去年孩子班中有個日本同學。由於佢響日本未夠大返小學,乘著響度出世既方便,每次日本幼稚園放假,就見佢「攝」返來「讀書」。小朋友本身都在國際學校讀書,但家長仍覺不夠,要飛咁遠來「浸」幾個禮拜。雖然唔需要交國際生費用,但他們在學校附近短租幾個禮拜,NZ$2000都差不多吧!連埋其他費用,一樣係「甘」!

我不想一口否定呢種短期學習既效用。或者那位家長不太清楚何謂immersion,也不了解響真正既英文環境有幾特別。我相信小朋友見識過後,對學習語言應該會更接受多於抗拒。至於交朋友就未必可行,因為時間太短了,友情需要長時間建立。

學校對招收呢類短期學生也幾積極。想不到現在孩子讀既學校都被看上!呢度學校資源比較緊張,見到有人上門幫學校增加收入,我呢個家長一定認為係好事!

至於老師,看得出面有難色,但卻不能反對。一如既往,打工仔就係要煮到來就食吧!

英作這樣教

近日幫手做parent helper,去Year 1班房教學生寫字讀書,觀察埋老師點樣教書,獲益良多,也有相當反思。

我發現,以前英文作文老師教錯哂!

雖然以前讀Band 1 英中,但英文作文卻係到中一時先第一次做。小學時所謂既英文寫作,都只係停留響作句階段,俾一兩個字就自己寫,點樣構思和用字,係從無概念,一片空白。

還記得Miss第一次作文,響黑板寫完題目,講完字數和得兩堂既時間後,就叫大家收埋字典和notebook,憑記憶寫約130字。無討論,更無準備。後來知道每次作文係當平時分,那根本係一個測驗!之後讀education講既Pre-writing,Miss根本無做過。一聲令下,全班就乖乖寫文,佢就坐低發呆至打鐘!

分數至上既年代,每個mistake都扣1分!50分總分,grammar 部分既分數響初頭幾次作文都好低分,攪到「肥佬」,完全令我失去信心。

那日眼見呢度老師教writing,老師先讓大家看一張相片,再問小朋友相中既事物,之後佢會供詞和句子開頭。之後,同學仔就要在簿畫圖,再用文字形容所畫。

呢個方法完全俾學生自主寫什麼,我見個個都寫得好開心!不過,由於佢地握筆未成熟(雖已經5歲!),圖畫都不太清晰。而要他們寫句子,大多數都係一句起,兩句止。字體不正已是預期,但老師態度係鼓勵,唔係批評。老師準備了常用字咭,唔識串既字都可以問我地大人!結果每個小朋友都交倒貨,完成課堂目標。

其中有個小朋友,就請我教佢串字,而他的句子就係 – I can see a pumpkin eating a lizard. 陪住佢一齊做一齊想,他想到時仲笑埋出來!

不需理會句子是否合邏輯,字體端不端正,咁樣開始寫作課一定不會嚇走學生吧!

香港既小學生,係咪都係咁樣教英文作文呢?

好老師

孩子出現了因轉校而有既anxiety. 今天去了參觀新學校後,卻因為一件小事意外地轉換了佢既心情。

原來新校既副校,係曾經響依家讀既小學任教。我想當初一定係緣慳一面。而更重要既係,我地一邊行見到其他老師,她們一聽到現任班主任個名,眼神即刻閃亮,係那種欣賞既眼神。副校更請我地幫佢「送書」俾班主任,相信她們既交情一定不淺。

The world is so small! 於是因為呢個「意外」,好似俾孩子感覺到舊班主任仍關心她,亦容易聯想到呢年開心既回憶!我地大人知道班主任不會這樣做吧,但小孩子既心理就係這樣奇怪。於是一間佢原本無人識既學校,一下間因現任班主任而加重了安全感。回家後心情比昨天好得多。

我地大人也放心得多。正面地看,希望新老師們可以繼續幫助孩子,讓她發光發熱啊!

再見

終於到了講分別既時候。原本這一天比我預計既提早左。

呢一年來孩子在學校好開心。有愛心和欣賞佢既班主任,學習方面又適應無問題,最重要既係有一個BFF。佢地那種友情,一直讓我放不低。畢竟,佢係孩子響呢度既第一個好朋友。無人能保證,將來還有類似既朋友支持她吧!

班主任在放學時拉埋我一邊,話佢地兩個出年不能同一班,希望我明白⋯⋯這個安排,和我原本提出既完全不同,但我無不滿,反而放下心頭大石!而為免令班主任煩惱,順理成章講埋轉校。BFF既家長好shocked!係呀,要我講分離真係比道歉更難,但大家都明白點解我地會咁。我地既決定,真係make sense既!

每次選校都似賭博。初來報到,就係因為學校原因留在呢個showroom地區搵地方住。奈何現實和理想不符,現在感覺就似所有effort in vain 一樣吧?

孩子無完全同意轉到屋企附近讀書,但大人既辛勞她也看在眼裡。只能期望孩子能幸運有個好既班主任,助她成長和學習,而不是忽略她的需要。

也許有一天,我地會返到showroom附近住呢?Who knows?

點寫出Captain Underpants

最近孩子想睇Captain Underpants。上呢度圖書館網頁搜尋一下,等借書既讀者不少。書都出版了10年以上,有點意外仍然係細路至愛。

呢個系列屬於橋樑書,字數多過每頁一兩句既英文書,但以圖畫為主講故事。當初出版時,佢和Wimpy Kid帶起了一個新既出版熱潮。兩個系列都係攪笑,而Captain Underpants既笑料更幼稚,甚至在我地眼中係低能!英文字又係專登串錯,睇黎學英文,真係咪講笑!

當時有同事好睇唔起Captain Underpants本書,因為嚴格來講,攞佢和傳統reader似係Christmas Carol比較,文字和內容都算「水皮」。但係,鼓勵孩子閱讀唔駛咁功利,以reading for pleasure為目的,唔好驚左一大版唔知係乜既英文,覺得睇書係件開心既事先係重要。

一直懷疑堂堂一個大人,點解可以寫出如此傻既故事?原來Captain Underpants就係作者Grade 2時既心境。當孩子睇完作者既新作Dog man,睇到連汁都撈埋,話我知作者係嗰陣時,因為每天上課都被罰在走廊,就不斷寫故仔和畫工仔創作出Captain Underpants, 老師發現了,不單無鼓勵,仲撕左佢,叫作者不要再寫Silly books……

望清楚介紹作者那版,原來佢有ADHD, dyslexia和behaviour problems。和孩子慢慢解釋完後,見到最後一句係’Fortunately, he was not listening to the teacher.’ 於是和孩子講,假如佢放棄了,就無Captain Underpants書了。

每個人既成功,背後都會有一段辛酸既故事。對看不起自己既人,唔聽佢地講再堅持做自己既事係正確的。人生,畢竟只屬於自己。

入學戰

朋友細囡面試落敗,入不到全港最好既一間直資小學,更不可以和姐姐同校。

今年有60000人準備上小學。龍年總係出生率高峰期,我家孩子早一年出生,生活各方面都已經要同人爭,依家搬了家情況也差不多。

這可能是他們的命運吧!生不逢時?

講番朋友方面,呢個結果意味著佢地要繼續參與呢場遊戲。去完私校,再要去大抽獎等結果。佢地已經由細準備,各樣課程都有報,大人既所有weekends都貢獻了出來俾小朋友。父母背景和工作極好條件,如果學校係選家長既話,那實在大跌眼鏡!

朋友話我知好難準備interview. 老實講,我真係無呢方面既經驗。而且,總係不明白點解小朋友要識哂咁難既中英數,那返學交咁多學費係為乜呢?

直資既師資和資源可能真係相對有優勢,但能夠製造頂級學校係,真係因為學生既家庭背景,多於學校能夠提供既教學吧!每個學生都唔係身懷零知識,上堂唔明白,父母一定比較有學識有方法幫助小朋友讀書。

我勸朋友放下手,但畢竟有考試既pressure, 點可以輕易放鬆。希望佢地最後可以俾多些時間孩子學習,一味摧迫,那些不是學習,再談開心?似不太可能了。

祝福朋友既小女兒。