做個好人Be a good guy

睇鄉下既新聞,一班關心社會年輕人被重判入獄,心寒,心痛。好多人都為他們而哭了。

年輕既從政者,表達了被判的一班人都係好人。同意,但又如何?

身邊見過好多好人,光明正大做事,努力工作完成dream, 但往往不幸既事都會發生在他們身上。例子不算多,但總會問,do they deserve this?

好人難做。極度乞人憎,不會受觀迎,甚至受孤立,但至少呢些少數人係有公義之心既人,而唔係那些失去道德既大多數吧!

未做媽媽之前,有個學生曾經問我幾時會生仔。好記得當時回答了,如果我要生,佢一定要係一個好人。而老練既學生就話,好難啊⋯⋯

多年過去,做個好人一直係教孩子既原則。有時聽到佢被人「蝦」,我都不會教佢報復,以暴易暴。一來這不是呢度既文化,二來,點解要灌輸壞人既做法?

孩子一直都收到,學著做個好人。困難重重,但一定要堅持下去。

*****
Is it so hard to be a good guy nowadays? When a group of sincere young people arrested for protesting against unlawful things, as a parent, what else can I tell and teach my own kid?

It’s always lonely to be a good guy. You may feel isolated, being attacked by those who disobey the rules, but one can feel freer and happier to live.

As parents, what can we teach our kids? Is it too dated to teach such core values in the 21st century? Other than spending huge sum of money to make them learn different academic skills, how many of us would teach them the right values and stand up for their own rights and opinion?

Most of them just hope they will be blind to the dark sides and ignore everything. Just focus on studies, eating good food and enjoying life is enough.

Then, the society will have no future.

小鼓勵Encouragement

原來老師今天讓孩子上台領獎狀!
如果早知的,就可以親眼見到呢個特別既時刻了!
呢度返學,聽講一直都不會有排名。雖然成日聽到老師做testing, 但係實際課程在做什麼真係不清楚。
孩子幸運地有好負責而夾佢既老師。留意到佢既強項和喜好,成日鼓勵佢去做更深一層次的。呢方面好感激,因為之前既老師也真的交行貨,無哂個火,一點也不關心學生。
放學時專登走番入課室向老師講謝謝。新老師也好興奮地俾我睇番孩子既journal work, 佢欣賞孩子既文字和表達能力。
孩子喜歡閱讀,應該係令佢語文大進既原因。希望佢能繼續努力,他日必可讓自己創出幸福的路啊!

****

時間表

和日本媽媽farewell, 傾了好多讀書和生活既問題。
原來,他們早年已經落左腳,不過,日本仍會係他們既base, 不會搬過來。NZ只會係孩子既讀書和放假地方吧!
早年⋯⋯人生真係無如果,那些年我地仍在工作上搏殺,連生仔都無想過。而且,what if 老家不是變成這樣子,孩子既人生又會不一樣。
日本媽媽既表情,就係愛家既最後證明。
當我以為日本同學仔返去後可以抖抖,媽媽就話呢幾個星期已經算是放假了。What?
不要去羨慕,好像沒有那種福氣,但人生既時間表,真係人人都不同。

雖然不知道何時再會,但好開心自己和孩子都多了一個朋友,都算係緣份吧!

跑緊邊條線?(Part 1)

#香港 父母好興講起跑線,我地就成日笑說孩子一出生就輸了。只能說,我地無包袱,而別人做什麼,從Day 1起已經沒有跟大隊。

What if 無搬家?孩子應該入左自己間谷到爆課程深但派位好既母校小學讀書吧!一切盡在掌握中。

搬家後,孩子就跑緊另一條跑線。是成是敗,無人知,或者第日考試前途輸哂都不定⋯⋯但係如果講心理質素,呢條線一定會比以前的好。

K3港孩已經背到熟既乘數除數,孩子只係學緊單位加數!而其他新同學,也只是在學寫字既階段。

用番以前標準,都聽到有點驚嚇! 但係,同學仔普遍都好獨立,善於表達,信心滿滿⋯⋯有呢種氣氛,感覺孩子都變得outspoken一點。

而最重要的,係佢好喜歡返學,就算離家好遠⋯⋯

(待續)

 

老師=老細

唔止一次聽到小學雞響學校「被襲擊」。開初入學時既班主任,就曾話過隔了一日後再問的話,小朋友記憶有限,不會查到出來。仲話我地知,那位小朋友係好乖既,不會做那種事情。

直到一次學校活動,我親眼見到那個學生如何多手多腳小學雞。

今學年既班主任比較不同,對discipline較上心,亦好落力去教學生,即使class size超大,但都好成功製造一個安全有愛既環境。

小學雞又出事了。原來佢曾經搵過新上任既老師幫忙,但對方卻無反應!最後搵番班主住處理,原因係知道佢係波士!

小朋友永遠心水最清。

點夠玩?

天朗氣清,今朝起身11度。假期完了,阿囡term 3又開始。
 
和一個相熟既家長傾計,都同樣地期待下個term break。這可能係因為大家每日「行大運」湊返學,所以感受較深,想休息既意欲比較高。
 
今早既最特別發現,係不見一個term既日本人同學又飛左返來!同學仔一到日本假期,就會返來學英文。依家應該係日本既暑假,氣候怡人。細路返完一排學不應該在假期抖下氣?

特登坐長途機返來呢度返學,這個「玩法」確係有點遠和有點chur, 但從細路既眼神,大人口中既休息概念好似不存在的。

日本人既優秀,不是天生的。正如一個人叻唔叻,好大程度上靠個人努力。

 
各有前因莫羨人!別人叻, 有時候係應該的。

放完假

孩子的假期又結束。新學期又來了。

大人做隻懶羊既日子又完了,最不想佢返學既係我地。

學校好,同學好,老師好,佢又適應好,似乎樣樣都好,除左因距離外。現實情況大家都知,但小朋友始終不捨得轉校,我地都答應了,不過將來既事無人知道的。

係,其實下個月我都不太清楚。活在當下,感恩身邊人平安已收貨。

無緣2

奇怪的事情發生了。我竟然和那位家長開始傾計。

說文化差異,的確有。開口第一句,就係問你點解選呢間學校。

講真,她連介紹自己都未。我不習慣這樣深入的談話。

我立即問番: 你呢?事後都覺得有點串,但又控制不到。

之後,又問我住響邊。唉,太personal了,我無答。

傾到最後,其實大家選校既原因係一樣既。呢度讀書,無人會理你乜原因入來的。家長一般好奇心欠奉的,都係顧住自己個細路為主。同區3間學校,有地址,自己去visit和見校長,更可閱讀school report, 考慮下小孩會不會適合就得了。

她話我知小孩之前讀的小學一班有4,5個Chinese好多。唉,immigrants日日都有,心想,上個term你未入學時,學校仲少Asian faces啦。呢句好串,我當然無講出來。

她講英文不錯,似乎她好想和其他家長溝通,卻又覺得係文化差異。呢個問題係有的,但最終某國人民在呢度的reputation真係好差,仲要俾media久不久拿出來罵,已經排外的public更加不想理你,唔知她知不知呢?

我安慰她話,要try very very hard.

有時候,無期望會好一些。

決戰

小Mel的學校大戰,其實早已開了序幕。

阿女每天返緊既playgroup, 本身其實不錯,令佢主動開心,又可以學自理。不過,當知道幼稚園的面試那種高難度時,為她equip好,就是我當前的工作。

選校的原則,會以環境,學術和老師質素為重。會選名校嗎?應該講貴族學校。噢,我們不是中產(據財爺講,佢先係中產),中肯地講,有些不配,亦不想勉強自己配合他們的模式。

上半年的決戰,好快就會告一段落。做阿媽既緊係希望可以多個offer在手,而就算無既,當去開下眼界都好。

下半年,又要決戰過。

平心而論,今時今日做小朋友真係辛苦多。

學位

和好多家長一樣,我已經進入了為仔女撲學位的遊戲中。

其實阿女出生以來,所有東西都要「爭」番來。由排床位,睇產檢,到買尿片和衫,每次找不到合適的時候,都知道佢以後條路一定唔好行。

當然,唔好行唔係代表會差,樂觀地想,或者那可以鼓勵佢更上進,唔好咁take it for granted, 以為樣樣事情都準備哂俾自己一樣,想到就會有!

為佢報了好少學校,幸運地已有一間學校收了阿女出年讀書。雖然呢間並非心中的首選,但在目前的情況,我真的要感恩。而且interview過程亦不複雜。(其實你想考咁細既人仔什麼?)更可繼續讀至畢業,都算是買個保險。

睇到新界的父母為仔女撲學位之苦,相信好快就會在我們身上發生。

我只想一切保持完狀,繼續有選擇。

這是否一件好難做到的事?