胎教

湊放學第一時間收到張孩子造既卡。
 
開始想係咪有胎教那回事。的確每次想起去逛街,情緒就會莫名奇妙地高漲!大住肚身懷多幾十鎊都可以由工作地方, 步行半小時去旺角. 逛街當產前運動,實則一舉兩得。

而孩子欣賞我一直餵書,也是我感到安慰的。呢方面,也有助她適應新環境。

 
有些片段,只會屬於媽媽和孩子。好欣賞老師教小朋友思考一下和媽媽既共同回憶,而不是物質化呢個日子。
我和自己母親的呢一天,也只能在internet上度過。其實沒有呢一天,我都會一直待她好,做一個好女兒啊!

母親節

早上湊孩子返學,係我搵人講英文傾計既好機會。

經過一段時間,總算掌握了大概別人會有興趣或願意講幾句既話題。呢方面,在早前也已經提過了。

14號係母親節,家長朋友就問我有乜plan. 我就笑著話,點解係我plan?

一直無乜節日感覺,不是憎恨節日,而係無概念,無乜心去計劃點樣過得有意義。

孩子在校已經知道Mother’s Day. 我就講天天都係Mother’s Day, 不需要只搵一日才隆而重之,對媽媽好吧!

對於我呢個C9來講,Mother’s Day最想就係休息一天,乜都不做。如果做得到,已經足夠了。

做媽媽有時的確好沈重,好疲累,要小休一下才能繼續。