無緣2

奇怪的事情發生了。我竟然和那位家長開始傾計。

說文化差異,的確有。開口第一句,就係問你點解選呢間學校。

講真,她連介紹自己都未。我不習慣這樣深入的談話。

我立即問番: 你呢?事後都覺得有點串,但又控制不到。

之後,又問我住響邊。唉,太personal了,我無答。

傾到最後,其實大家選校既原因係一樣既。呢度讀書,無人會理你乜原因入來的。家長一般好奇心欠奉的,都係顧住自己個細路為主。同區3間學校,有地址,自己去visit和見校長,更可閱讀school report, 考慮下小孩會不會適合就得了。

她話我知小孩之前讀的小學一班有4,5個Chinese好多。唉,immigrants日日都有,心想,上個term你未入學時,學校仲少Asian faces啦。呢句好串,我當然無講出來。

她講英文不錯,似乎她好想和其他家長溝通,卻又覺得係文化差異。呢個問題係有的,但最終某國人民在呢度的reputation真係好差,仲要俾media久不久拿出來罵,已經排外的public更加不想理你,唔知她知不知呢?

我安慰她話,要try very very hard.

有時候,無期望會好一些。

Advertisements

無緣

做朋友好講緣份。

平日去阿囡既學校,好少機會見到同族。我指的當然不是HK人啊!

有日,一個強國家長走來問我係不係HK人,再問識不識講普通話,我答不太識啦,之後她行開左。不知道她有什麼意圖,但呢一個回應好深刻。

雖然我呢代人無普通話做必修,但勉強少少都會識聽下,教人落車我都識點講既。

今日見到亞洲朋友和她一起傾計。之後,佢問她識不識聽我講既廣東話. 呢個媽媽答不識。之後我講,住在不同部分係講不同語言的,輕輕帶過了。

我不介意和她講英文,甚至用我好差既普通話講,但她給我的第一個印象實在太難忘。

我只能講,做朋友既緣份,應該都沒有了。我呢個年紀,要求更不能低。

意料之外

終於明白了點解搵學校要在家附近。

除了方便接送,節省時間和精神,容易與同學仔建立更深既感情外,有件事我忽略了,就係免除意外的發生。

今日在往孩子學校既路上,車明明好好的停在路上,有個慌失失既阿婆卻從後面撞過來。正如她所講,都不知道自己在做什麼!而車破壞輕微, 那份shock卻久久沒有消除。

一直以來只想到自己會因交通擠塞遲到,教好孩子要慎定,耐心等待。但如果我地都出了意外,那只會係無止境既等待⋯⋯

告訴孩子我的恐懼,她擁抱了我一下,再說Be brave!

因為孩子我變得好brave, 但一想到自己會有事,就真的說易行難了。

 

 

 

如何治癒

人在外地,面對每天既cultural shock, 原來最好既治癒方法就係聽到同路人既聲音。

呢個新朋友係阿囡同學家長,一樣來自亞洲大城市。

其實每天湊返學都會「見人」!但無可否認,不同既價值觀和語言文化,的確令溝通帶來障礙。

HK人有個特徵,就係飲茶文化!坐低可以唔熟都傾倒一大早餐,但洋人就不是這樣了。

除了早晨普通打招呼,周一問大家weekend過成點,周五問有乜plan外,真心我連自己都覺題目shallow無意義。但不講呢些,又可以講乜?對方都好少主動搵野講,令我既透明狀態好明顯,好無趣!

新朋友令我更明白聆聽既重要!我聽她投訴的各種,她又聽我的觀察,每天的那短短chat time, 係令我好感恩既交流時間。

We are not alone!

水浸變缺水

過去一周全市落大雨。某些地區水浸,停電,封路⋯⋯

兩天既雨量等如兩個月既雨量,聽落係件好事多於壞事吧!

但係政府轉身就要求所有人要節約用水,因為食水處理廠既水滲入了好多雜質,一時間filter不到。如果大家不合作的話,飲既水將會濾不清?!

聞所未聞!但所有media幾乎清一色叫大家照做,而無人會inquire點解。一句Unpredecdented 就推哂所有尋找真相既聲音。

不好的東西,不是會繼續hidden下去嗎?

件事提醒了我地水質問題,即刻買番個filter安下心。

我不想成為一個天跌落來當被蓋既local。