女人shopping

上星期學校通知我地要參加高年級攪既Market Day,每個學生都俾少少錢,再換代幣買東西。

好有意義既理財活動,也教識她什麼係give & take!

放學時,見其他小朋友拎住一大袋,而阿囡就揀左face painting。原來她搵不到喜歡既東西,也為此有點失落。

做阿媽既好明白你心情啊!XD

開心老師

從以前的工作領悟到,沒有快樂的老師,就不會有快樂的學生。

香港的教育制度下,前線的老師真的很難快樂起來!長時間工作,下班後除備課外,現在又多了一些網上平台類似criticism的反對功課組。只要對學生要求多點,都隨時會被公布天下,連份工都無埋也說不定。

有時候班家長係講得合理。只係,當發言者只著眼自己的利益時,就會忘記了老師的苦處。

好了,來到新地方,呢度的老師快樂嗎?

他們不需要應酬家長,而我懷疑係因為人手問題,加上文化自己顧自己既關係,呢度老師的工作的確比鄉下既少好多!

甚至,在舉行完一些學校活動後,可以即興讓小朋友到教員家中餵下養既雞!呢種即興心情,不需對上層和家長交待既自由,簡直代表了他們的教學優勢!也顯露了對學生既愛!

對於我地城市人來講,更係第一次登門入室去老師的家。我相信對孩子確是一個難忘的經驗!

老師有如此快樂的心境,做他們的學生會很幸福吧!

呻與不呻

昨天係自行派位放榜既大日子。無錯,不關我地事。

在孩子以前幼稚園既group, 有家長話好羨幕我。原因?不用煩,而孩子讀書又好開心,無壓力等等。

我好懶惰,不喜歡和不熟悉的人詳細解釋搬到新地方既難處,而孩子在學校面對的種種,講出來,也沒有意思吧!

不是後悔自己的選擇,只係,人性總是看到你的好,而不想去理解另一面。

我不呻,不代表無事的。我呻時,也不是完全絕望。

 

災難Disaster

住在香港,係好幸福的。不計物質和方便,至少多年來一直少天災。所謂的天災,也可能係夏天時會出現既颱風和豪雨,冬天時的幾天嚴寒吧!

來到新地方,今天真正認識天災-地震。

留意新聞和聽收音機,好多人都受影響。雖然我地平安無事,但想到受災的人時,真的覺得好難過。

孩子的老師也透露了家人在受災地區附近。雖然她還安慰我這是part of life here, 但老實說,也感受到她的不安。

但願大家平安度過。這夜,我都不知道可以講什麼。

****
There’s a huge earthquake just hit South Island in New Zealand this morning. A lot of people are affected and I do hope they can get through this and their lives can be normal again soon.

交友過程

小孩到新學校上課,當然有交友的問題。
在新地方,單係語言已經係個障礙。而其他,我只能講係孩子間的日常。
找不同,已經係對你不友善的理由。

做父母的係心痛,因為呢些轉變都係因我地決定而起。

不過,逃避卻不是辦法。要學保護自己才是王道。

老師沒有說什麼。我知道呢些事真的要由大人幫手。

或許係我太緊張了,好朋友,又怎會突然跳出來,而無一起經歷過什麼?

但願小孩能explore更多不同類的人,找到自己想一起的好朋友。過程可能好長和艱辛,但係,總要經過。

點解?

平日呢度分貝好低,我地習慣嘈吵,家中都會開著收音機讓聲音在空氣中飄浮。

前幾星期,晚上會不時聽到像槍聲。而上星期,呢個謎團終於解開了。每年呢度都會在5/11放煙花慶祝Guy Fawkes Day呢個節日。只係有些人提早了⋯⋯
有煙花賣的地方都人頭湧湧。望見一盒盒既煙花,想起細個去大陸旅行既往事。
煙花真係幾好玩,但呢個節日係慶祝什麼呢?
上網search完後,原來Guy Fawkes係英國人⋯⋯呢度曾經係英國colony, 都可以理解到。只係細讀節日的由來後,又好想問,大家係慶祝他的勇為,定係慶祝他的處分?

問一個在呢度住上多年既朋友,都不知道節日來源。Well, 我好奇心太旺盛,無法。

由晚上開始,已經可以近距離望見聽見大家所放既煙花。 幸好呢區人們算較自律,最多放到半夜就散。

還好。

親情大哂?

和朋友分享後,都有感親情真係不是大哂。

一個孝字,經常都會累死好多人。

係既,一個願打一個願接受。想的人自私,也要有人成全。而這些人有好似無所謂。只有我這種人才看得憤怒。

家人之間,最難的是坦誠,但最重要的都係坦誠。

難道為了滿足一些人的私心,仲不止一次,其他人的痛苦就可以不顧?

我不buy這些價值。不能包容。