讓座

好多人話香港人坐車不會讓座小孩或孕婦,我真係有保留。
或者,無要求,才有驚喜。
從懷孕至今日拖住小孩坐公共交通工具,都試過有不少人想讓座。懷孕時我好多時會拒絕,而依家我多數俾孩子坐。
其實大家都有俾錢坐車,某些人不應有特權的。讓座都要心甘情願。
今日和小朋友到巴士上層。兩人的座位已經無哂,正當想著要各自分開坐低時,有個後生仔起身俾左位我地。阿囡都好奇怪點解「哥哥」會咁樣做,反而我感受到那位男士的心意。
小孩自己和陌生人坐,真係幾驚架。
Advertisements

英國版TSA

英國既Sats英文科,有考小學生label grammar terms部分。 呢些大學major 英文才會接觸的內容,依家要小學生去識和懂回答,實在過份。
大批家長和學者,都反對要600,000小學生參加呢個考試,有趣既地方,係有markers 出手泄漏題目答案「攪破壞」,天天都有新發展! (http://www.theguardian.com/education/2016/may/10/fresh-humiliation-as-sats-answers-published-online-for-second-time#comments)
其中,Michael Rosen http://michaelrosenblog.blogspot.hk/ (We are going to bear hunt作者)覺得,Sats係當地政府想將當地公立學校轉做Academies既一個政治工具,即係似我地既「殺校」。
學語文最有效既地方,特別係小朋友,係依靠大量閱讀,而不是先識label grammar terms,知道subordinating conjunction 和 preposition既分別。(http://www.bbc.co.uk/programmes/p03syxdv)
就似我地既中文小學科,要未識字既學生學詞類,真係想水準高都幾難。

幾喜歡文字既人,都想放棄吧!

老師的地位

網上流傳今日有中學在掛紅雨時,老師叫準備入校門既學生離開。

我相信係個別學校問題。不過,老師工作都不會停止。

一般來講,返全日制學校既老師早上7:30或更早已經返左工。天氣突然有乜變動,就算係黑雨或掛8號風球,老師都不會先過學生離開。這是他們的工作。

當然,要上網呀,追劇呀,買股票呀,打online game呀,淘寶呀,要做既平日晴天時已經做緊啦,不用等依家!

好多人都想象不到,日校的老師可以完全無時間去洗手間和食飯。

留在學校都要照顧學生,責任都不少。

做老師,真係有幾多人會尊重? 稍為抖一日氣都不可以。

似乎除左Finalnd, 呢個地球無乜人會尊重老師。

外國月亮不一定圓

新買一本法國人寫既教仔書。未完,稍後補review.

但初步感覺係,原來法國既小朋友都有學業壓力,世界原來都是圓的。

以為去到一個較hea既地方,結果好多事情都係同樣要面對。

但我相信,不同的土壤,會教出不同的人。

呢個社會實驗,我會做見證。