日劇Dinner

型男(型佬)三上最新日劇Dinner是今季我期待的日劇。

其實故事都是expected, 講述佢空降一間意大利restaurant, 大做改革而不得人心……不過,重點係佢係有料之人,且看他如何收拾殘局。

喜歡拍攝的心機和場景配搭。日劇製作永遠認真,連演員個個都似識煮野一樣,唔到你唔服。

反而好奇三上的characterization. 外型cool爆的佢,一講到食物就即刻變左個細路,那個twist好有趣。

我們面對喜愛的事情,都是這樣吧!

學位

和好多家長一樣,我已經進入了為仔女撲學位的遊戲中。

其實阿女出生以來,所有東西都要「爭」番來。由排床位,睇產檢,到買尿片和衫,每次找不到合適的時候,都知道佢以後條路一定唔好行。

當然,唔好行唔係代表會差,樂觀地想,或者那可以鼓勵佢更上進,唔好咁take it for granted, 以為樣樣事情都準備哂俾自己一樣,想到就會有!

為佢報了好少學校,幸運地已有一間學校收了阿女出年讀書。雖然呢間並非心中的首選,但在目前的情況,我真的要感恩。而且interview過程亦不複雜。(其實你想考咁細既人仔什麼?)更可繼續讀至畢業,都算是買個保險。

睇到新界的父母為仔女撲學位之苦,相信好快就會在我們身上發生。

我只想一切保持完狀,繼續有選擇。

這是否一件好難做到的事?

 

 

 

2013

踏入新一年,在溫暖的浴室度過。

結果,錯過了countdown, 亦睇不到煙花。

回想2012,最大件事,是放棄了很喜歡的工作,回家做了全職媽媽,戰戰競競地照顧一個全新家庭成員。

呢個assignment, 要我每天不停的學習,左試右試,睇書上網問人找方法,再filter認為可行的方法。長期成績未知,但短期成績往往即時可見。有時自責、失望、無奈,但呢份assignment卻有種神奇力量,能快速令我stay positive, 將所有疲倦negative feelings 放低,再出發!

Assignment也令我對人生有了新的睇法。很多事情,其實都無法計劃,順其自然,盡了力便可以。佢的成長和日後的路,不是我能全盤控制。我拒絕做helicopter / monster parent, 我知,她是另一個個體,我只能為她預備,而不是要控制。