神祕訪客

這個blog, 忽然在這星期有幾百%的page view增長,令我大驚。

其實,除了小部分朋友外,呢個blog應該是不公開,無乜人會知或找到的。

我想不到有什麼原因大家這樣喜歡睇,不過,心中都是高興的。多謝你們!

其實,大家可以留下少少comments / feedback給我,讓大家在某些題目交流一下意見,而不是只有我在唱獨腳戲啊!

期待期待。

奇妙物語8

同事間對上星期三公布的budget, 當然最不妥的地方,是他們不能從mpf中受惠$6000.

幾個同事聚埋就發表言論,講他們的P fund不獲注資,感覺不公平。

平日我對他們的這些個人意見,通常都不會插口的。是日,我便講了,有人提議每人octopus card加$1000, 皆大歡喜!而且,這些錢只會益左基金佬吧!

呢位同事,俾我的反應係冷淡,無反應。

各有各的立場,各有各的表述。

無錯,有錢分,邊個唔想要?你問我,我真係唔想要呢些我都唔知會唔會有機會享用的退休金!每個月付出的,像是不多,但供款的人,卻是完全無法控制何時進場離場,眼白白睇住自己的血汗錢俾他人利用。唉,心傷!

昨天知悉他們將會受惠,唔知下星期的打小人日,佢地會唔會現身呢?

清純

形容新一代的小朋友,我會用精叻和老誠去形容。

晚上回家,有時都會見到一些好明顯只有13或14歲的少女,濃妝打扮出現,應該是和朋友去玩吧!當時的時間,差不多已經接近晚上11時。真唔明白佢地既父母點解仲俾佢地出街玩……

讀中學的細路,好多都識變臉!連姪女的同學都有一些令人難以明白的邪惡行為時,我想加加埋埋真係好難令我對細路有非常正面的評價。

去M記食afternoon tea, 眼前來了10個中一咁大左右的細路。不是名校生,卻都很有規矩。成個過程中,他們有講有笑,坐得整齊,無走來走去!粗口一句我都真係聽唔倒!在我眼中,這些才是我心目中的學生,簡直是人間美景。雖然不可能影下眼前的情景,但我的腦袋已經記住了。

 

回頭幫襯

一直沒有對local 服務質素有太大的期望。真的,試過行尖沙咀最大那個商場,行過派香水版的地方,企響度的sales都唔會派給我。何解?因為我不是他們的target customer!

我接受的,既不會憤怒,亦不會投訴。

有些牌子訓練員工其實做得幾好。例如,女士們去買skincare時,其實明知容易被人地「踞」了,當人地一發現你的skin problem (唉,邊個無呢!實有一樣中!),那你一定會跌錢。忍功幾了得,都會雀雀欲試推介產品,正所謂人地唔work, 或者在自己身上會work呢!經常幫襯既日本牌子專櫃,會教識sales不硬sell, 你要乜,佢俾乜你。有時會加一兩句推介,但你唔想買時,佢地又唔會即時黑面。這樣,個客會覺得舒服一些。

好多時,再唔再買真係會為左啖氣。

今天有一個幾contrastive的經驗,可謂先苦後甜。去第一次幫襯的hair salon, 心中想著快快手修剪一下自己那把頭髮。我的直髮不難處理,卻是不少hair stylist 心目中最不想做的client! 一再要求,他才肯用工具將我的留海剪成係我心目中的樣子,好無心!臉上那種初出茅廬的串,令我難忘,好耐無見過!不會再去呢間跌錢,亦一定不會再令自己受氣。

想起了另一個幫我做treatment的hair stylist, 雖然我不會找她幫我剪髮,佢亦知道,但在其他方面佢都會好落力照顧我把頭髮,有乜事一定找她。

下一站到我喜歡的skincare牌子的outlet. 我犯了最不應該犯的mistake, 就是好直接地請教sales 如何save my poor skin! 哈哈,以為今次實大跌錢,點知個sales又professional地先從佢自身的問題出發,(我用錯了熱水洗面!),並推介幾款products俾我,到我再決定時,又用了好多口水explain每樣野係什麼,點用,加埋一大堆samples和其他推介,令我成個過程都好delightful!!我買的真的不算多,但係佢既熱情款客態度,實屬這年代少見。

簡單的講,很有heart, 好用心。

這個過程,就徹底清洗了之前在hair salon的悶氣,成晚都開心和滿足。

 

The King’s Speech

在差不多滿座的周六特別場,睇了奧斯卡大熱片The King’s Speech, 令上個周末,真的心滿意足!

不想在這穿故事情節,反而想講下本地劣質的翻譯。呢套戲的Script其實唔難聽,亦唔會難明,不過,翻譯們卻沒有好好消化套戲再用適當的字眼去形容主角的心情。例如,當King George VI 和speech therapist爭論的一幕,他講了”I have a voice.”, 我認為那一場係想表達佢自己有自己的一套見解,亦不易受他人影響。中文字幕卻出了「我有把聲。」!唔係唔岩,不過唔對應context. 同樣另一句又係好簡單的英文,他講”I have a head”, 中文出了「我有個頭。」。我認為佢呢一場都係想表達佢有自己主意的意思。

這樣的話,當然令大家發笑,但也真的無必要!

本片沒有什麼驚喜,但處處見細膩和功整,幾個角色性格分明,各自以勇氣去做好本身角色,真的睇得感動!

建議入場一眼都唔好望中文字幕,那就真的完美了!

100分

被姪女「午夜兇鈴」追蹤多次,原來,她是想告訴我知佢英文默書100分!

她的家人全都知道了她的焦急,而我,高興之餘也有點尷尬的。

她心急,不是因為要claim任何禮物。我想,她好想一句由我口中出來的讚美。

少讚她,是事實。或者,這樣她才會珍惜。

所有人都知我對她惡,應該說是較嚴謹……但這也未損我們的感情啊!

人與人之間,有時就是這樣奇妙。

Power spot

日本流行講power spot.
其實我都有自己的power spot, 那就是戲院、書店和咖啡室,多年不變,我想以後都係會這樣。
趁著一個小小的空檔,一個人去了這些地方,單是揭下書也很寫意。
係既,都要用下錢,但不需要太多,就已經買到心頭好,心情已經得到很大的滿足。
充了電後,人都開心一點,精神一點。
若總是困在一個死沉沉的局中,永遠都不會有希望和衝勁!
做人,又怎可以這樣呢?

見面純粹講講最近喜歡做的事、新興趣、睇的書或電影、工作、理想和願望……

從前,自問都有過一些這種好友。好享受的!我不怕用幾小時聽別人訴苦,反正我愛聆聽和俾意見的,但我怕耳仔只接收了別人想我聽的消費戰跡!

讀書時,和好友間最愛講的,一定離不開電影和小說。成班人都沉迷在呢兩樣事情中,讀文學就是我們給自己最大接觸這些文化吧!

依家約人是難的,而正當我思考身邊還有無呢類「簡單」的朋友時,噢,係人數減少了,卻仍是有的!

背景可以有強大對比,但如果聚埋時仍然有共同話題。大家仍珍惜這份友情時,我應感恩。

對別人,對自己,不要要求太多吧。隨緣有時還好!

難言

今朝有家長打來辦公室,是要找同事。

她不在,家長希望我幫佢一個忙。

有個學生的媽媽過了生,他希望同學立即到醫院……

班主任呀,你在哪兒?

我見到同班同學,立即交托她找學生到來找我。

想著要對她講這個消息,一時間,也有點口震。

最後我在洗手間尋到大人,倒時由她處理較好吧!

見到細路,已哭成淚人,那當然。

大人的反應較我平靜,已有心理準備吧!我這局外人,反而情緒較易受波動。

我知不應放太多私人感情在工作上,不過,人都是感情的動物,難過的事,我不識掩飾,不能當作別人的事。

情人節

放工後去了CWB, 隻腳都落左去Citysuper, Sogo。不得了,引死大家買的情人節禮品隨處可見,特別是前者。有好的式的Fondue set, chocolate 粒粒,蛋糕分等等。一片粉紅和火紅佈滿四周!不過,我無幫襯到,因為無打算會咁樣慶祝!

想好了今晚的dinner會包括食chocolate fondue. 材料其實都早買好,tools齊哂,只係我地究竟係唔係真係會食。尋晚食了中式湯圓,煮得太甜了,但都算提前慶祝既。:)

我加買了一包薯片,那是晚食fondue就可以自製hot chocolate chips!

行行下,再見到排隊買花買chocolate的人(Sogo的Godiva外的人龍好長呀,不過呢個牌子的產品不算是good value for money!), 成間店都好有mood。面包店見到心形面包,也忍不住的買了下來,來個浪漫!

****
關於愛情電影,上星期英文台已重溫了幾套。我發現自己對用文字傳愛的橋段真係好受落!The Lake House, Sleepless in Seattle, You’ve got mail, 甚至係最後終於買左的P.S. I Love you, 都係男女主角互相交心出發的愛,好浪漫。但我今晚唔太敢睇P.S. I Love you, 因為一定會係我淚眼收場,唔吉利!