處理壓力

最近多了輕身的新聞,身邊的老人家問我是否壓力大?

呢條問題timing唔多對,因自己最大壓力時間已過,反而呢一年是最輕鬆的。處理壓力的方法,最極端的就只是離開現場,正式一些講,係逃走,逃避!

當壓力大得連自己也受了「重傷」,無能力再去幫助需要我的人,也真的是時候想離開,休息一下,再重新開始。

我的壓力處理系統,往往都會話俾自己聽:不嘗試尋找另一個天空,你永遠都不知道外面原來還有天堂。不甘心的被鎖在目前,那也真的要向外闖闖。而結果,驚喜處處,有另一些得著,而自己也不會後悔決定。

未知的將來,是刺激,也是壓力。

抄抄抄

我是典型的日劇迷。

記憶中第一套的日劇,係在外婆家睇仍是以金錢形狀做標誌的亞記,那是由山口百惠和三浦有和主演一大堆老土純愛劇集。那時我應該是一年級左右,我想,這套戲教了我什麼是愛情。

我都是電視精。基本上所有依家在經典台播過的劇我都睇過,只係,我唔會掛住睇而唔溫書又唔做功課。

睇電現現在對我來變成了奢侈。所以這樣就來得更有要求,也與依家的drama質素好有關係。唔信既,可以睇番重播中的真情或樓住有情人,佢地都比任何existing的劇集好。打開電視,無論個劇叫乜名,你睇到既永遠都是一式一樣的表情,一款對白,一套故事。創作在哪兒?你說那些是喜劇,那我也真的笑不出。也許我已變得亳無幽默感,只係當我重睇許冠文或王晶拍的舊戲,我都仲笑得好開心。那些片子才能引發我的笑位。

最近無記的一套新劇,從畫頭至故事,背景全抄東野圭吾的神探伽利略!我知都有好多人完全無睇過聽過那是什麼。不過知道的其實都有好多。無記自己都已經播過原裝日劇,依家竟然懶到成套dub出來,離譜!

我知無記一向都有抄劇的,抄日劇的OST, 那也別做的那樣明顯,連我這等普通觀眾都察覺到啊!

奇妙物語3

呢一篇,其實不算太奇情。怪也只能怪我遇到太少好人吧!

今天「大業主」來檢查間屋的狀況。細路們都好合作,我們沒有做大戲呀,只是他們的心態卻是。還好,以前的地方真的很失禮,話之你係邊個。

之後,佢竟然和我傾左一個鐘,差點唔想放我走!成個過程,佢都好認真,俾俾左佢既意見仲慌死我會介意,加左幾句話完場。

我這種臨時住客得到如此厚待,很是感恩。一直做事已經不需要別人體諒和認同了,但求心安理得吧!最估不到的,係佢好主動問我對層樓的意見!

呢一下,我自我審查左。需知我不能天真無邪到將我見到的奇聞異事向他匯報吧!正如他所講,沒有事情是完美的。有時想,他無理由唔知道樓上發生乜事吧!

之後的討論都與間屋很有關係。實情上,我這個單位很搶手的,他也對我講和展示大批申請書,要花時間睇云云。他的坦誠反令我有點不好意思堅決地告訴他我會搬,不想住下去……

怎樣也好,他都是一個很理解人心的業主。欣賞他有大把籌碼在手都不會意氣風發,不以權力去欺壓我這些小住客。

但冷靜過後,都要清楚自己籌碼,不要錯估形勢作錯的決定。

做與不做

今早打開電視睇到一個即時新聞,有感而發。

想起自己以前的一份工作。部門有規定,每兩個星期都要俾學生一次默書,教完一課書要有一次的小測(quiz),功課的課量都白紙黑字寫明落handbook, 我地就要跟住做,因為久唔久就要被檢查進度,唔齊既就會好麻煩。

到一埋數時,無錯,我真係覺得係似sales交數!有些同事唔知點解可以出倒又改倒咁多的assessments, 甚至超過哂targets!

要以assessments「鼓勵」細路讀書,有時係有用和必要的。但係,我也絕對相信佢地對呢種安排係好抗拒的。由於能力和興趣的關係,佢地當中有些人對我呢科根本係去到討厭既程度。結果,佢地既對抗方式就是交白卷!

不過,我卻絕不會對他們講完要溫書之後,再講多一次,呢些assessments其實係無必要的!

如果無必要,亦也根本唔會有安排。

想不通…

一片空

終於交左功課。下個月的deadline, 遲些才算。

5和6月要想的事情有不少。搬屋?好想。和屋主傾過,他已經詳細話我知再住落去會點。留低嗎?等再有人搬走?自己反而唔想等。

不過,對於屋主的坦誠和分析,自己很感激,也覺幸運!

決定終究在自己手上。或者我應該好好享受餘下的時光,到時才算。

Mother’s Day

自問一直是個乖女兒,不過從老媽的口中,佢都會覺得我有唔聽佢話既時候。

進入了人生的另一個階段後,離開了家,方發現自己最愛她的叮嚀,她的長氣。佢同一般媽媽好不同,就是她真係好睇得開,好放手讓我們選擇自己的路,再加一句「對自己的行為負責」。仔女做錯了,她一定不會偏私,連佢自己都會話自己好絕!

真係絕!

老媽係好硬正。我所見過她經歷過的一些人和事,倒轉係我,一定早已倒下來。這些,都是身教,唔需要搬任何理論出來講教仔。

我絕對清楚佢有掛念我們的時候,但她不愛說出口的。原因?佢知我們有自己的生活,而她不想成為我們的任何負擔,就是如此!

最近見面,知道原來佢一直覺得兩個孩子大學畢業,也不應周圍對人(即親友)「宣傳」的。我問佢點解?佢就話怕我們會讀不好書……最後我補充,你是絕對應該感到開心的!之後我見到她臉上泛起一絲的笑容。

其實做人阿媽,付出的實至太多。

而做人仔女的,做好自己本分就是最重要。

奇妙物語2

網上尋寶的活動,靜了幾天後又再次出現。

今次主題,是按摩機。

不知從哪處找來的好貨式,總之一干人等在互相推銷,二百多元,說是母親節禮物。

問題來了,咁多人訂,貨物送到會好大陣仗!

不過,他們已訂了貨,而老闆相信都會是繼續乜都唔知!