Kick Ass

這幾天,生活的次序有些奇怪。

因為一個疏忽,讓自己的情緒去到一個「不可以用文字去形容」的狀態。怪責身邊人是可以,但自己都有責任的,結果,只有以眼淚和睡不好去解決。

順便,將一些生活壓力沖走。

周五這樣早的起床,下了街幸運地有好心人幫忙,安心了。當時只是6點15分,仍然很倦的我,走到M記買了杯奶茶提神。

這樣令自己全天胃部不適,但神奇地其他的工作都進展順利!值得?

下了班尚早,去了西九龍大戲院睇戲。選了Kick Ass, 提神除壞心情果然奏效,套戲也令我有多個surprises!唯一一樣是坐在後面的一對男女在不停用腳騷擾我,望向後時竟正在kissing! 呆了,他們確實去錯了地方消耗他們的荷爾蒙!

睇完後再和M回合,套戲令我不再惱,他真的算走運了!老實講,他也被我折磨了整天,不想再有下次。

M是片中男主角的fan, 所以提議了他翌日一起去睇套戲。結果,一套戲2日內睇了兩次,好癲!

下星期還有Iron Man 2會一齊睇,想起都興奮。

這樣,又到5月。

Advertisements

電視教人非禮!?

對無記新劇有些興趣,只因由幾好演技的蔡少芬主演。而故事似乎也是走輕鬆攪笑路線,尋晚第一集就睇了一幕。

話說女主角的辦公室有另一個新來的女同事,惹來同公司的男同事注意。其中有一場,幾個男人輪流借故去「索油」, 我唔明白點解要一個wide shot影哂班男人點樣去非禮佢!

影了一次,唔止,仲有第2個再試。電視螢幕清楚見到他們的身體接觸點!好了,我唔係「道德塔利班」上身,只係作為一個家庭觀眾和女性,我真的好反感!我唔明白點解咁既鏡頭可以出街,係唔係要教壞細路!

我知實有人講,細路唔教都會壞!咁夜晚10點幾就播埋呢D節目,是否過份?無記無公眾責任播放一些較健康的劇集嗎?

在以前的地方,細路們都向我講,那陣子電視播乜,他們就會做乜。係下意識,自然地去做的。

作為一個市民,我反對呢類鏡頭出街!社會風氣還不夠差?

代入

我對通識科真的一無所知。認識的一個f4細路,經常向我自稱呢科成績全班第一,誰知每次問下佢最近的熱門時事新聞,他都完全答不上。

永遠,他都會講「唔關我事」!

咁佢究竟係點樣在呢科取高分?又係死背的一個學科,又好似唔係,理想係要令細路們有齊critical mind, independent thinking and communication skills.

而在理解一些英文文章時,就算佢知哂生字的意思,但都意會唔倒。點解?因為佢代入唔倒個情境,簡單來說,懶得去想多一步自己以外的事情。

他欠缺好奇心,所以叫佢睇書,佢會好無趣,亦無乜野可以分享,永遠地覺得那些都是別人的事。

他欠缺想象力,當然都會和無好奇心,無心思去鑽研一些新事物有關。這些都是依家大部分細路們的特色,對新事物抗拒,好多事情都唔想知,唔想見。

點解咁細個就咁固執?

「入會」

如果你係信教既,我公司附近的建築物當中,有一座你一定會叫我小心。

細路們都好清楚他們班人的底細,一定係家中大人講既。其實他們並無惡意的,唔應佢就得了。

但點解我今日會被他們approach?就好似每逢行cwb, 總會有中年女士無端端用隻手「店」下你,講聲「小姐」,你唔理會既,佢就會在人海中消失。

每一次都係本人精神不佳的時候。

今天仍在趕改卷,做了大半天,個樣係倦些,但係,唔代表我會傻左應兩個外國人的一句「hello! 小姐!」

一場驚!

奇妙物語1

長假完了,原本要完成的功課卻尚欠很多才能完成,有排無覺好訓!

時間上的確是失了預算。書太遲睇,題目也太遲定。腦海幸好已有個藍圖,只想日間的工作不太影響作戰狀態便心滿意足。

除了精神狀態較弱外,回到公司其實一切如舊。周邊的「奇妙同事」每天都讓我對同工或生活有更多的娛樂和反省,幾嘆為觀止。

今天,他們忙著網上購物!在有那樣多通訊器材的今天,當然做老板的也難控制下屬完全不可以用上班時間做私人事情。不過,要做的都不會這樣張揚吧!她們的聲浪卻公開了一切,而奇怪的是一有空堂就會有人上網搵野買!正在忙改簿的我當然唔明,難道他們不用備課和改簿!?我想不通。

而平日習慣帶簿回家批改的我,今天聽到有人講這樣做好傻!我不是怕被她定性,只係為她的學生感到難受,為這個地方感到可惜。

有時做野,唔係傻唔傻的問題,而係應唔應該做的問題。

睇「城中好樓」

「申請睇樓信」開始又要寄出去,老實講呢個動作自己都好想快些可以免疫。一來,需求已開始不多;而我這類住客開始隨時間已變得不值錢了,隨時無人再理我。

都係那句,唔做會後悔,好像之前「搬屋」一樣。

原來以為落空的一個dream apartment, 入住限額50, 終於都收到信。都係那句,盡力去做,決定交給別人,唔去既一定抱憾終身!想下想下,呢次係10年後的第2次請人去睇樓,要雙方情投意合,我都唔知可以點handle. 但心情點樣都係興奮和期待!

依家間「屋」的多名阿頭,對本人真係好到不可以再投訴。只係根據多年經驗,都係要為自己找個保障,費事真係「無屋住」,又等又煩。

光陰

好友聚舊,不免懷緬下以前。

原來大家記住中四英文老師的事件各有不同。我記佢既發脾氣和不負責任,佢就記住了老師在我們面前講其他老師是非。大家的focus真係好唔同!

久唔久自己都會想下,現在的我和去年或幾多年前的我會有什麼不同?每個決定是好或是壞?事實當然無法改變,只係人總怕後悔!

2003年係我經常會回想,而朋友就講了5年前。無法想自己可以像她一樣,專心研究取博士銜頭。依家你叫我睇書寫幾千字都要我的命咁制!始終我唔係full time讀,而經過了1個full year, 我相信都未必會走上那條路。

講來講去,要做的事情還有很多,時間精神卻未必夠。

大家走著不同的路,目的地未必相同,只要開心便夠了!

有心

Jamie Oliver要到美國推動佢既School lunch project.

早在2005年,他已經在英國先行。

理念其實好簡單:學校的canteen不再俾fatty和油份過高的食物給學生食。

覺得佢來到美國,之前的經驗倒幫了他不少。但睇了3集,其實唔係話做就做。

他係外來人,就算同是講英文的,這樣要改變一個廚房,一間學校,一個大的社區和系統,當中已經唔止見到cultural shock那樣簡單。

他選了他口中全美國最unhealthy的地區,最多人overweight及有fat related health problems的Huntington做starting point. 而他的project, 也只係想那裡的人學識如果煮健康的食物去令自己更健康,更長壽。

原來那裡很多人都因overweight而早逝。在第3集,他找來當地中學的一班學生教他們煮飯,大部分人的口中都講了家族中有人係因過肥而死,有個細路女還對著鏡頭講自己還剩下7年命,所以先要跟jamie學cooking。

聽者心酸,但見著他們的衝勁和Jamie一起努力,令成件簡單的事變得好有價值。

Goals in this Easter vacation

1. Rest a lot, claiming back  my lost sleeping hours since I’ve moved to the ‘new apartment’.

2. Read more for my 2 assignments due  next month. There is some progress but the framework is still in my head. Can I really finish the drafts by next Monday?

3. Watch movies or TV episodes. The non-local ones, such as Jamie Oliver’s Food Revolution. It feels great to see the UK School Lunch happening in the USA.

4. See friends….

5. Do sth. related to ‘next apartment’ and studies.

These are just some practical goals which are achievable with plenty of determination and time.

Deadline can be extended but then time will still pass me by.